प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
काठमाण्डौ – आज पालिका चुनावको देशभर मतदान भइरहेको छ ।
भोट हाल्न काठमाण्डौ उपत्यकाबाट आफ्नो मतदाता नामावली भएको ठाउँमा धेरैजसो गएका छन् । तर भोट हाल्न जान नपाएकाहरूले मतदान गर्ने केन्द्र वरपर पुगेर रमाइलो हेरिरहेका छन् ।
त्यस्तै मध्येको एक हुनुहुन्छ गुल्मीका सागर गैरे । उहाँ यसपालि भोट हाल्न आफ्नो गाउँ जान पाउनुभएन । तर उहाँ मतदानको चहलपहल हेर्न काठमाडौं महानगरपालिका ८ को शारदा मावि केन्द्रमा आउनुभएको छ ।
‘आफू जान पाइएन, अरूले मत दिएको हेर्न भए पनि आएँ, ५ वर्षमा एकपल्ट आउने ठुलो अवसरको सदुपयोग गर्न नपाएकोमा दुःख लागेको छ’ सागरले भन्नुभयो ।
मतदान केन्द्र वरपरको दृश्य हेर्दा मनमा अनेक कुरा खेलेको उहाँ बताउनुहुन्छ । ‘आफूले भोट हाल्न त पाइएन अरू नागरिकको मतको सदुपयोग होस भन्ने चाहन्छु’ उहाँ भन्नुहुन्छ ।
मोरङका हर्क तामाङ पनि घर जान पाउनुभएन । मतदानको चहलपहल हेर्न मध्ये वानेश्वरको रत्न राज्य उच्च माविमा पुग्नुभएको छ उहाँ । ‘चुनावमा घर जान पाइएन, उता कति रमाइलो भइरहेको होला, गाउँलाई धेरै मिस गरिरहेको छु ’ तामाङले भन्नुभयो ।
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।