ताप्लेजुङ – आज सम्पन्न भएको पालिका तहको चुनावमा ताप्लेजुङमा झण्डै ६५ प्रतिशत मत खसेको छ ।

ताप्लेजुङको मुख्य निर्वाचन कार्यालयका प्रमुख तथा जिल्ला न्यायाधीश प्रकाश राउतका अनुसार जिल्लाभर ६४.७६ प्रतिशत मत खसेको हो । जिल्लामा ८९ हजार ६ सय ९० मत रहेकोमा ५७ हजार १४२ मत खसेको उहाँले बताउनुभयो ।

जिल्लाको सबैभन्दा धेरै मेरिङदेन गाउँपालिकामा ७०.७७ प्रतिशत मत खसेको छ । यस गाउँपालिकामा ८ हजार ६ सय ३ मध्ये ६ हजार ८९ मत खसेको हो । जिल्लाको सबै भन्दा धेरै मतदाता रहेको फुङलिङ नगरपालिकामा भने ६४.१२ प्रतिशत मत खसेको छ । १७ हजार २ सय २ रहेकोमा ११ हजार ३१ मत खसेको हो । 

जिल्लाको सबै भन्दा ठूलो गाउँपाकिला फक्ताङलुङमा ६५.५३ प्रतिशत खसेको छ । आठराई त्रिवेणी गाउँपालिकामा ६२.३२ प्रतिशत, मैवाखोला गाउँपालिकामा ६५.१४  प्र्रतिशत, पाथिभरा याङवरक गाउँपालिकामा ६२.०३ प्रतिशत मत खसेको मुख्य निर्वाचन कार्यालयले जनाएको छ । यस्तै, सिदिङ्वा गाउँपालिकामा ६५.४७ प्रतिशत, सिरिजंगा गाउँपालिकमा ६२.२२  प्रतिशत मत खसेको छ ।