कास्की – कास्कीको रुपा गाउँपालिकाको अध्यक्षमा एमालेका नवराज ओझा विजयी हुनु भएको छ ।  

नेपाली कांग्रेसका गी माया गुरुङलाई १ हजार ६ सय १२ मतले हराउँदै ओझा विजयी हुनु भएको हो । उहाँले ५ हजार ७ सय ४९ मत प्राप्त गर्नुभयो भने गी मायाले ४ हजार १ सय ३७ मत प्राप्त गर्नु भएको छ । 

त्यसैगरी उपाध्यक्षमा पनि एमालेकै लालसुब्बा गुरुङ विजयी हुनु भएको छ । उहाँले नेपाली कांग्रेसका नारायण श्रेष्ठलाई १ हजार १ सय ७९ मत अन्तरले पराजित गर्नुभयो ।  लालसुब्बाले ५ हजार ३ सय ३२ मत प्राप्त गर्नुभयो भने नारायण श्रेष्ठले ४ हजार १ सय ५३ मत प्राप्त गर्नुभयो । 

रुपा गाउँपालिकामा ७ वटा वडा रहेका छन् । वडा नम्बर १ को वडा अध्यक्षमा नेपाली कांग्रेसले जितेको छ भने वडा नम्बर २, ३, ४, ५, ६ र ७ एमालेले जितेको छ ।