कास्की - पोखरा महानगरपालिकामा उपमेयरमा मञ्जु गुरुङले अग्रता लिनु भएको छ । पछिल्लो मतपरिणाम अनुसार मञ्जु नेपाली कांग्रेसकी उम्मेदवार कोपिला रानाभाटभन्दा २ सय २८ मतले अगाडि हुनुहुन्छ ।

मञ्जुले २० हजार २ मत प्राप्त गर्दा कोपिलाले १९ हजार ७  सय ७४ मत प्राप्त गर्नु भएको छ । मेयरमा भने गठबन्धनबाट एकीकृत समाजवादीका उम्मेदवार धनराज आचार्यको अग्रता कायमै छ । आचार्य १९ हजार ६ सय १५ मतले अघि हुनुहुन्छ । नेकपा एमालेका कृष्ण थापाले १७ हजार ५ सय १२ मत  प्राप्त गर्नु भएको छ ।

आचार्य २ हजार १ सय ३ मतले अगाडि हुनुहुन्छ । पोखरा महानगरपालिकामा ४७ हजार ४ सय ६६ गणना भएको छ । पोखरामा १२ वटा वडाको मतगणना सकिसकेको छ । जसमा वडा नम्बर २, ३, ४, १२, १३, २३, २४, २५, २६ मा नेपाली कांग्रेसले जितेको छ भने वडा नम्बर १, ५ र ६ नेकपा एमालेले जितेको छ ।