कास्की – पोखरा महानगरपालिकाको मेयर पदमा धनराज आचार्यले मतान्तर झनै बढाउँदै लिनुभएकाे छ । गठबन्धनका तर्फबाट नेकपा एकीकृत समाजवादीका उम्मेदवार आचार्यले नेकपा एमालेका उम्मेदवार कृष्ण थापासँगको मतान्तर २ हजार ७ सय २० मत पुर्‍याउनुभएकाे हाे ।

हालसम्म ५५ हजार २ सय ६७ मत गणना सम्पन्न हुँदा आचार्यले २२ हजार ८ सय ५२ मत प्राप्त गरी अग्रता कायम राख्नुभएकाे छ । उहाँलाई एमालेका कृष्ण थापाले २० हजार १ सय ३२ मत ल्याएर पछ्याइरहनुभएकाे छ । त्यस्तै राप्रपाका शंकर खरालले २ हजार ३ सय ४ र स्वतन्त्रका अटेरी उम्मेदवार गनेस पौडेलले १ हजार ३ सय १२ मत पाउनुभएकाे छ ।

उपमेयरमा नेपाली कांग्रेसकी उम्मेदवार कोपिला रानाभाटले पुनः अग्रता लिनुभएकाे छ । उहाँले नेकपा एमालेकी उम्मेदवार मञ्जुदेवी गुरुङलाई १ सय ४३ मतले पछि पार्नुभएकाे छ । काेपिला रानाभाटले २३ हजार १ सय ६४ मत ल्याउनुभयाे । एमालेकी गुरुङले २३ हजार २१ मत ल्याएर रानाभाटलाई पछ्याइरहनुभएकाे छ । उपमेयर पदमा राप्रपाकी रञ्जना सेनले २ हजार ९९ मत प्राप्त गर्नुभएकाे छ ।