कास्की – नेकपा एकीकृत समाजवादीका अध्यक्ष माधवकुमार नेपालले आउँदाे चुनावसम्म नै गठबन्धन कायमै रहने बताउनुभएकाे छ । ४४ औँ पुष्पलाल स्मृति दिवसको सन्दर्भमा पोखरामा आज साेमवार आयोजित कार्यक्रमलाई सम्बाेधन गर्दै उहाँले गठबन्धना आबद्ध दलहरू आउँदाे चुनावसम्म नै तालमेल गरेरै अगाडि बढ्ने बताए ।

तालमेल गर्दा पार्टीको नेतृत्वदायी भूमिका र समग्रमा पार्टी भावनाअनुसार हुने अध्यक्ष नेपालकाे भनाइ छ । पालिका चुनावकाे नतिजालाई सबै दलले सन्तोषजनक रूपमा लिएको भन्दै उहाँले यसैलाई आधार मानेर चुनावमा जाने बताउनुभयाे । ‘अहिले कसै–कसैले अन्य तरिकाबाट अनेक थरीका कुरा गर्न थालेका छन् तर गठबन्धन टुट्नेवाला छैन्’, उहाँले भन्नुभयाे, ‘आउँदाे चुनावसम्म गठबन्धन कायमै रहन्छ, यसका लागि हाम्रो तर्फबाट अवश्य पनि बहस र छलफल हुन्छ ।’

अध्यक्ष नेपालले गठबन्धन गर्दा कसैले यो या त्यो बहानामा ठूलो भाग खोजेको खण्डमा टुलुटुलु हेरेर नबस्ने चेतावनी पनि दिनुभयाे । शक्ति बनाउने कुरामा कुनै कसर बाँकी नराख्ने उहाँको भनाइ थियो ।