पाँचथरमा एक सुत्केरी महिलाको ज्यान गयो

 साउन २२, २०७९ आइतबार ११:२१:५९ | उपेन्द्र येक्तेन
unn.prixa.net

पाँचथर - पाँचथरको सदरमुकाम फिदिममा रहेको गणेशमान सिंह सामुदायिक अस्पतालमा एक सुत्केरी महिलाको ज्यान गएको छ । फिदिम नगरपालिका–६ की १९ वर्षीया करिना फागो (तुम्रोक) को ज्यान गएको हो ।

हिजो बिहान सामान्य रुपमै बच्चा जन्माएकी करिनाको बेलुका रगत कम देखिएको र थप रगत दिइएको उपचारमा संलग्न डाक्टरले बताएका छन् ।

पछि थप उपचारका लागि एम्बुलेन्सबाट झापा लैजाने तयारी हुँदा बेहोस भएपछि उहाँकाे ज्यान गएको अस्पतालले जनाएको छ ।
 

अन्तिम अपडेट: भदौ २२, २०७९

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ । 

तपाईको प्रतिक्रिया