सहकारी प्रकरणमा मुछिएका दीपेश पुन धराैटी बुझाएर रिहा
बैशाख १४, २०८१ शुक्रबार
लमजुङ – हिमालको काखैमा पुगेका लमजुङका भेडी गोठ बिस्तारै बेसी झर्न थालेका छन् । माथिल्लो क्षेत्रमा बिस्तारै चिसो बढ्ने, हिउँ पर्ने र पशुका लागि चरण अभाव हुने भएकाले बिस्तारै यहाँका घुम्ती गोठहरु बेसी झर्न सुरु गरेका भेटेरिनरी अस्पताल तथा पशु सेवा विज्ञ केन्द्र, लमजुङका प्रमुख डा. रुपेश श्रेष्ठले बताउनुभयो ।
उहाँका अनुसार असोजको पहिलो हप्तादेखि माथिल्लो क्षेत्रमा रहेका घुम्ती गोठहरु बेसी झर्न सुरु हुन्छ । कात्तिक मसान्तसम्ममा सबै गोठ बेसी झरिसक्छन् । ‘चिसो मौसम सुरु भएसँगै माथि(लेक)मा चरणको अभाव हुने भएकाले यो समयमा घुम्ती गोठहरु बेसी सारिन्छन्,’ उहाँले भन्नुभयो ।
उहाँका अनुसार चिसोमा लेकमा हिउँ पर्छ । हिउँले घाँस पुर्छ । चिसोमा चरणको अभाव हुनुका साथै भेडी गोठालालाई पनि बस्न असहज हुन्छ ।
‘गर्मी मौसममा लेक उक्लेका घुम्ती गोठहरु चिसोमा बेसी झर्छन्,’ उहाँले भन्नुभयो ।
जग्गाधनीलाई पैसा तिरेर, मल दिएर गोठालाहरुले बेसीमा रहेका जग्गामा घुम्ती गोठ राख्छन् ।
घुम्ती गोठमा पालिएका गाईभैँसी, भेडाबाख्रा चराउँदै लमजुङका गोठालाहरु बर्सेनी बौद्ध हिमाल, माछापुच्छ्रे हिमाल, मनास्लु हिमाल, हिमचुली हिमाल, लमजुङ हिमाललगायतका थुप्रै हिमालको काखैमा पुग्छन् ।
घुम्ती भेडीगोठहरु ४ हजार मिटर उचाइसम्ममा पुग्छन् । घुम्ती गाईभैँसी गोठ भने ३ हजार मिटर उचाइसम्म मात्रै पुग्छन् ।
बेसी सारिएका गोठ चैतदेखि बिस्तारै लेक उक्लन्छन् । जेठसम्ममा भेडी गोठ हिमालको काखैमा पुग्छन् । परम्परागत रुपमा घुम्ती गोठमा पशु पाल्ने परम्परा लमजुङमा अझै कायमै छ ।
भेटेरिनरी अस्पताल तथा पशु सेवा विज्ञ केन्द्रका अनुसार लमजुङको भोजे, पसगाउँ, घनपोखरा, घेर्मु, ताघ्रिङ, बाहुनडाँडा, भूलभूले, फलेनी, वन्सार, पाचोक गौँडा, कोल्की, इलमपोखरी, दूधपोखरी लगायतका ठाउँमा घुम्ती गोठमा पशु पालिएका छन् ।
श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।