ललितपुर मेयर कप क्रिकेट : एपीएफकाे लगातार दाेस्राे जित, काेशीकाे विजयी सुरुवात

 चैत १०, २०७९ शुक्रबार १७:५८:१ | उज्यालो सहकर्मी
unn.prixa.net

काठमाण्डाै – ललितपुर मेयर कप महिला टी–२० क्रिकेटमा सशस्त्र प्रहरीकाे एपीएफ क्लबले लगातार दाेस्राे जित निकालेकाे छ । आज शुक्रवार भएकाे खेलमा सुदूरपश्चिम प्रदेशलाई १५ रनले हराउँदै एपीएफले लगातार दाेस्राे जित निकालेकाे हाे ।

एपीएफले दिएकाे १ सय २२ रनकाे लक्ष्य पछ्याएकाे सुदूरपश्चिमले निर्धारित २० ओभरमा ६ विकेट गुमाएर १ सय ६ रनमात्र बनाउन सक्याे । सुदूरपश्चिमका लागि कविता कुँवरले ५१ र कविता जाेशीले नटआउट २६ रन बनाइन् । बलिङतर्फ एपीएफकी सुमना विष्टले २ विकेट लिइन् ।

यसअघि त्रिवि क्रिकेट मैदानमा टस हारेर ब्याटिङ गरेकाे एपीएफले निर्धारित २० ओभरमा २ विकेट गुमाएर १ सय २१ रन बनायाे । एपीएफका लागि सीता रानामगरले नटआउट ५२ र इन्दु बर्माले ४५ रन बनाइन् । बलिङतर्फ सुदूरपश्चिमकी ईश्वरी विष्टले १ विकेट लिइन् ।

याे जितसँगै एपीएफ ४ अङ्कसहित तालिकाकाे शीर्ष स्थानमा छ । सुदूरपश्चिम २ अङ्कसहित तेस्राे स्थानमा छ । 

आज नै भएकाे अर्काे खेलमा ललितपुर मेयर्स–११ लाई हराउँदै काेशी प्रदेशले प्रतियाेगितामा विजयी सुरुवात गरेकाे छ । काेशीले ललितपुरलाई ७ विकेटले हरायाे ।

ललितपुरले दिएकाे ६६ रनकाे सामान्य लक्ष्य काेशीले १२ ओभरमा ३ विकेट गुमाएर ४८ बलअघि नै भेटायाे । काेशीका लागि अप्सरी बेगमले २९ रन बनाइन् । बलिङतर्फ ललितपुरकी अस्मिना कर्माचार्यले २ विकेट लिइन् ।

याे जितसँगै काेशी २ अङ्कसहित तालिकाकाे दाेस्राे स्थानमा छ । अङ्कविहीन ललितपुर चाैथाे स्थानमा छ । 

तेस्राे संस्करणकाे प्रतियाेगितामा आयाेजक ललितपुर मेयर्स–११ सहित सुदूरपश्चिम, सशस्त्र प्रहरीकाे एपीएफ क्लब, मधेस प्रदेश, कोशी प्रदेश गरी पाँच वटा टिमकाे सहभागिता छ ।

अन्तिम अपडेट: असार २, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया