पाँचथर – पाँचथरकाे फिदिम-११ चम्पेटारमा जीप दुर्घटना हुँदा एक जनाको ज्यान गएकाे छ। 

फालेलुङ-८ लुवाफुबाट सदरमुकाम फिदिमका लागि छुटेकाे मे १ ज २९५८ नम्बरको जीप आज बिहान दुर्घटनामा परेकाे हाे । दुर्घटनामा पाँचथरकाे फालेलुङ गाउँपालिका-८ का ३० वर्षीय साजन केरुङको घटनास्थलमै ज्यान गएको जिल्ला प्रहरी कार्यालय पाँचथरले जनाएको छ। 

दुर्घटनामा चालक छविअधिकारीसहित ९ जना घाइते भएका छन् । घाइतेमध्ये दुई जनाको अवस्था गम्भीर रहेको छ । घाइते तीन जनालाई उपचारका लागि झापा रेफर गरिएकाे पाँचथरका प्रहरी प्रमुख हरि खतिवडाले जानकारी दिनुभयो । घाइते ६ जनाको पाँचथर अस्पतालमा उपचार भइरहेको छ।

दुर्घटनाको कारण खुल्न नसकेको प्रहरीले जनाएको छ।