काठमाण्डाै - काठमाण्डाै महानगरपालिकाले सार्वजनिक जग्गा, खाेला तथा नदी मिचेर बनाइएका व्यक्तिगत संरचनाहरु भत्काइरहेकाे छ । 

हात्तीसारमा टुकुचा खोला मिचेर बनाइएका संरचना, सामाखुशीमा नदी उत्खनन,  कपनमा खोला उत्खनन, रत्नपार्कमा हडपेर राखिएका पसलहरु लगायत मिचेर बनाइएका संरचना महानगरपालिकाले भत्काउँदै आएको छ । तर, संरचना भत्काइसकेपछि व्यवस्थापनकाे काम नहुँदा महानगर अस्तव्यस्त देखिएकाे छ । 

भत्काइएका कतिपय संरचनामाथि झारपात उम्रिसकेका छन् । सामाखुशी नदी उत्खननपछि खोला किनारका पसल अव्यवस्थित देखिएका छन् । रत्नपार्कका पसलहरु हटाएर सार्वजनिक शौचालय निर्माणका लागि सम्याइएको जमिनको अवस्था पनि भद्रगाेल छ । कपनका खोला उत्खननपछि व्यवस्थापनकाे काम शुरु हुन सकेकाे छैन भने अनामनगरमा रहेकाे सार्वजनिक जग्गामा बनेको भद्रकुमारी घले आश्रमको घर भत्काइएपछिकाे अवस्था पनि  उस्तै छ ।

यसरी उत्खनन गरिएका र भत्काइएका संरचनाकाे व्यवस्थापन नगर्दा नागरिकलाई हिँड्न सास्ती भएकाे छ भने महानगरकाे सुन्दरतामै असर पुगेकाे छ । आजको फोटो फिचरमा काठमाण्डाै महानगरले भत्काएका, उत्खनन गरेका र हटाएका संरचनाकाे अवस्था :

भद्रकुमारी घले आश्रम

कपन

कपनकाे मिलनचाेक 

खुलामञ्च

रत्नपार्क

शामाखुसी