कुटपिटबाट सल्यानमा एक युवाको ज्यान गयो

 कात्तिक ८, २०८० बुधबार २०:२३:५३ | हेमराज शर्मा
unn.prixa.net

दाङ – सल्यानमा दुई जना युवाले कुटपिट गर्दा एक जना किशोरको ज्यान गएको छ ।

सल्यानको बागचौर नगरपालिका ७ कोटबारा पुरानछाप निवासी २० वर्षीय घनश्याम ओलीलाई छिमेकी गाउँका दुई जना युवाले कुटपिट गर्दा ज्यान गएको हो ।

छिमेकी गाउँ स्याला भन्ने ठाउँका २५ वर्षीय केशर ओली र २३ वर्षीय सन्तोष ओलीले कार्तिक ४ गते उनलाई कुटपिट गरेका थिए ।

कुटपिटपछि घाइते भएका उनको उपचारका क्रममा आज भारतको लखनउमा ज्यान गएको इलाका प्रहरी कार्यालय थारमारेले जनाएको छ । कुटपिट गर्ने सन्तोष ओलीलाई दाङबाट पक्राउ गरिएको र केशर ओली फरार रहेको इप्रका थारमारेले जनाएको छ ।

 

अन्तिम अपडेट: फागुन १४, २०८०

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।  

तपाईको प्रतिक्रिया