शेयर बजार झन्डै १० अङ्कले बढ्यो, १ अर्ब ३४ करोड रुपैयाँको कारोबार

 मंसिर ७, २०८० बिहिबार १५:३२:४६ | उज्यालो सहकर्मी
unn.prixa.net

काठमाण्डाै – शेयर बजार आज बिहीवार पनि बढेको छ । हिजो बुधवार २० अङ्कले बढेको शेयर बजार परिसूचक नेप्से आज नाै दशमलव ८७ अङ्कले बढेर एक हजार आठ सय ६० दशमलव २० विन्दुमा पुगेको छ ।

आज बैंकिङ, माइक्रोफाइनान्स र अन्यबाहेक अरू समूहको शेयर सामान्य बढेको छ । सबैभन्दा धेरै बुद्धभूमि नेपाल हाइड्रोपावर कम्पनीको शेयर १० प्रतिशतले बढेको छ । समग्रमा बजार बढेको दिन आज सबैभन्दा धेरै नबिल बैंकको शेयर आठ प्रतिशतभन्दा धेरैले घटेको छ ।

आज ४४ लाख २० हजार कित्ता शेयर एक अर्ब ३४ करोड ८३ लाख रुपैयाँमा कारोबार भएका छन् । सबैभन्दा धेरै नबिल बैंकको १३ करोड १० लाख रुपैयाँको शेयर किनबेच भएका छन् ।

अन्तिम अपडेट: फागुन १०, २०८०

तपाईको प्रतिक्रिया