पाेखरामा काैडा खेल्दै गरेका ६ जना पक्राउ

 मंसिर ७, २०८० बिहिबार १९:२६:५८ | उज्यालो सहकर्मी
unn.prixa.net

कास्की – पोखरा महानगरपालिका–२२ चिसाखोलामा रहेकाे भेषबहादुर गुरुङको घरमा कोडा खेल्दै गरेका छ जनालाई प्रहरीले पक्राउ गरेको छ ।

गुरुङकाे घरमा प्रहरी टोली पुगेर ८२ हजार आठ सय २५ रुपैयाँ र १६ थान कौडासहित छ जनालाई पक्राउ गरेको गण्डकी प्रदेश प्रहरी कार्यालयका प्रहरी वरिष्ठ उपरीक्षक (एसएसपी) शारदाप्रसाद चौधरीले जानकारी दिनुभयाे । प्रहरी आएको थाहा पाएपछि भाग्दै गरेको अवस्थामा छ जनालाई पक्राउ गरेको एसएसपी चाैधरीले बताउनुभयाे ।

यसैबीच गुरुङकाे घर खानतलासी गर्दा कोठामा लुकाइछिपाइ राखेको लाइसेन्स नभएको २२ हर्नेट (बन्दुक), गोली २४ राउन्ड रहेकाे म्यागजिन एक थान फेला परेको प्रहरीले जनाएकाे छ ।

अन्तिम अपडेट: फागुन १८, २०८०

तपाईको प्रतिक्रिया