युद्धविरामकाे स्वागत गर्दै नेपालले भन्याे– ‘विपिन जाेशीकाे तत्काल रिहाइ हाेस्’

 मंसिर ७, २०८० बिहिबार १८:१२:३ | उज्यालो सहकर्मी
unn.prixa.net

काठमाण्डाै – नेपाल सरकारले पश्चिम एसियाको गाजामा युद्धविराम गर्न भएको सहमतिको स्वागत गरेको छ ।

परराष्ट्र मन्त्रालयले आज बिहीवार एक विज्ञप्ति निकालेर मानवीय सहायता सामग्रीको आपूर्ति तथा बन्दीहरूको रिहाइका लागि भएकाे सहमतिकाे स्वागत गरेको हो ।

कतार, अमेरिका र इजिप्टको कुटनीतिक प्रयासमा भएको सहमतिको नेपालले सराहना गरेको छ । सरकारले नेपाली विद्यार्थी विपिन जोशीको तत्काल रिहाइका लागि सम्बद्ध पक्षसँग पुनः आह्वान पनि गरेको छ ।

हिजाे बुधवार इजरायल र हमासबीच युद्धविरामको सहमति भएको थियो ।

अन्तिम अपडेट: फागुन १४, २०८०

तपाईको प्रतिक्रिया