चितवन राष्ट्रिय निकुञ्जमा वन्यजन्तुकाे आक्रमणबाट साउनदेखि अहिलेसम्म ६ जनाकाे ज्यान गयाे

 फागुन ५, २०८० शनिबार १५:२०:१५ | रासस
unn.prixa.net

फाइल फाेटाे

चितवन – चितवन राष्ट्रिय निकुञ्ज र नजिकका क्षेत्रमा गएको साउनदेखि अहिलेसम्म वन्यजन्तु आक्रमणका तीन सय १५ वटा घटना भएका छन् । यी घटनाबाट छ जनाको ज्यान गएको र १७ जना घाइते भएका निकुञ्जले जनाएको छ ।

निकुञ्जका सूचना अधिकारी गणेशप्रसाद तिवारीका अनुसार गैँडाको आक्रमणबाट दुई, बाघको आक्रमणबाट तीन र गोहीको आक्रमणबाट एक जनाको ज्यान गएको हो । यस्तै वन्यजन्तुका कारण पशुधनमा ८४, भण्डारण गरिएको अन्नमा छ, घरगोठमा २० र अन्नबालीमा दुई सय पाँच पटक क्षति भएको छ ।

वन्यजन्तुका कारण क्षति भएबापत निकुञ्जले एक करोड पाँच लाख ५१ हजार छ सय २४ रुपैयाँ राहत प्रदान गरेको तिवारीले जानकारी दिनुभयो ।

अन्तिम अपडेट: बैशाख १, २०८१

तपाईको प्रतिक्रिया