काठमाण्डौ महानगरमा हानिकारक फोहर उत्पादकले नै व्यवस्थापन गर्नुपर्ने

 फागुन ९, २०८० बुधबार १०:३१:३ | उज्यालो सहकर्मी
unn.prixa.net

काठमाण्डौ - काठमाण्डौ महानगरपालिकाले सङ्क्रमित, रसायनयुक्त, हानिकारक फोहर, उत्पादकले नै व्यवस्थापन गर्नुपर्ने बताएको छ ।

महानगरको वातावरण तथा प्राकृतिक स्रोत संरक्षण ऐन २०७७ मा हानिकारक फोहर व्यवस्थापनसम्बन्धी व्यवस्था छ । ऐनको दफा २० बमोजिम हानिकारक, स्वास्थ्य संस्थाजन्य, रासायनिक वा औद्योगिक फोहरको प्रशोधन र व्यवस्थापन उत्पादक आफैँले गर्नुपर्ने महानगरपालिकाले जनाएको छ ।

उपमेयर सुनिता डङ्गोलका अनुसार सहरी वातावरणमा महसुसयोग्य सुधार गर्नुपर्छ । यस कार्यकाका लागि फोहर उत्पादकहरुले दायित्वबोध गरेर नागरिक र कानुनी दायित्व पूरा गरी फोहरको दिगोरुपमा व्यवस्थापन गर्नुपर्ने छ । यहीअनुरुप महानगरले पछिल्लो एक हप्तादेखि अस्पतालजन्य फोहर व्यवस्थापन विषयमा अनुगमन गरिरहेको छ ।

पालिका सञ्चालन ऐन, २०७४ ले स्थानीय सरकारलाई स्वास्थ्यजन्य फोहरमैला सङ्कलन, पुनः उपयोग, प्रशोधन, विसर्जन र त्यसकाे सेवा शुल्क निर्धारण र नियमन गर्ने अधिकार दिएको छ ।  साथै स्वास्थ्य संस्थाहरुले चिकित्साजन्य फोहरको उचित व्यवस्थापन नगरे त्यस्ता संस्थाहरुलाई दण्ड जरिबाना गराउन पाउने अधिकार पनि पालिकालाई प्रदान गरिदिएको छ । 

अन्तिम अपडेट: बैशाख ७, २०८१

तपाईको प्रतिक्रिया