काभ्रे कृषि महोत्सवमा छ करोड रुपैयाँ बराबरको कारोबार

 फागुन ९, २०८० बुधबार १५:४७:५१ | उज्यालो सहकर्मी
unn.prixa.net

काठमाण्डौ – काभ्रेपलाञ्चोकको बनेपामा भएको बृहत् कृषि महोत्सवमा छ करोड बराबरको कारोबार भएको छ । मूल आयोजक एवम् जिल्ला समन्वय समितिको समन्वयमा यही फागुन ४ देखि ७ गतेसम्म बनेपामा सञ्चालित महोत्सवमा छ करोड बराबरको कारोबार भएको हो । महोत्सव एक लाख ५० हजारले अवलोकन गरेका थिए ।  

जिल्लामा उत्पादित कृषिबाली तथा पशुजन्य उपजको प्रर्दशनी, बजारीकरण तथा कृषकको आर्थिक अवस्थामा सुधार ल्याउन महोत्सव आयोजना गरिएको हो । 

जिल्ला समन्वय समितिद्वारा जारी विज्ञप्तिमा कृषिजन्य उपजहरुको बिक्री बापत दुई करोड रुपैयाँ, यन्त्र, औजार, उपकरणबाट दुई करोड, होटल व्यवसाय तथा रैथाने परिकारबाट एक करोड ५० लाख र अन्य सहयोगी क्षेत्र र गैरकृषितर्फ ५० लाख रुपैयाँको कारोबार भएको जनाइएको छ । 

महोत्सवमा कृषि प्रविधि, रैथाने बाली, खाद्यान्न, बीउ, ताजा तरकारी, दुग्धजन्य उत्पादन, लप्सी–क्यान्डी, लोकल धान, कफी, फापर पिठो, प्राङ्गारिक प्रमाणित कृषि उपज, बुद्धचित्त माला, धानको उन्नत बीउ, मौरी गोला, हस्तकला, एभोकाडो, सिताके च्याउ, कालिज, लोकल कुखुरा, पनिर, खुवा, लोकल चामल, घीउ, कोल्ड च्याम्बर प्रविधिलगायत सामग्रीका एक सय ५३  प्रदर्शनी कक्ष राखिएका थिए ।  

अन्तिम अपडेट: बैशाख ९, २०८१

तपाईको प्रतिक्रिया