बागलुङ नगरपालिकामा घरमा सुत्केरी  हुनेको सङ्ख्या शून्य

 फागुन १८, २०८० शुक्रबार १२:१७:१६ | रासस
unn.prixa.net

प्रतीकात्मक तस्बिर

काठमाण्डौ – बागलुङको बागलुङ नगरपालिकाभित्र पछिल्लो दुई वर्षयता घरमा सुत्केरी हुनेको सङ्ख्या शून्यमा झरेको छ । नगरपालिकाले विकट गाउँसम्म स्वास्थ्य सेवाको पहुँचसँगै जनचेतना अभिवृद्धिका कार्यक्रम सञ्चालन गरेपछि अहिले यो सफलता प्राप्त भएको हो । 

बागलुङ बजारमा सुविधासम्पन्न धवलागिरि अस्पताल भएकाले धेरै महिला सुत्केरी हुनका लागि अस्पातल नै जाने गरेका छन् । गाउँ–गाउँमा भने बर्थिङ सेन्टरमा पुग्ने गर्छन् । गर्भवतीलाई स्वास्थ्य स्वयमसेविकाले घरघरमै पुगेर सुरक्षित प्रसूतिबारे सचेत गराउँदै आएका छन् ।

अहिले हरेक गर्भवतीलाई स्वास्थ्य संस्थामै पुगेर बच्चा जन्माउनुपर्छ भन्ने चेतना बढेको नगर स्वास्थ्य शाखा प्रमुख रामप्रसाद खनालले बताउनुभयो । पहिले बजार आसपासका गर्भवतीमात्रै स्वास्थ्य संस्थामा आएर बच्चा जन्माउने गरे पनि ग्रामीण क्षेत्रबाट कम आउने गरेको उहाँको भनाइ छ । गाउँका स्वास्थ्य चौकी तथा बर्थिङ सेन्टरमा जनशक्ति व्यवस्थापनपछि टाढाका गर्भवतीलाई सहज हुँदै गएको प्रमुख खनाल बताउनुहुन्छ । 

अन्तिम अपडेट: बैशाख १, २०८१

तपाईको प्रतिक्रिया