दिल्लीका मुख्यमन्त्री केजरीवाललाई जमानतमा रिहा गर्न सर्वाेच्चकाे...
बैशाख २८, २०८१ शुक्रबार
काठमाण्डौ – नेपाली कांग्रेसले कोरोना महामारीकाे अवस्थामा विदेशमा रहेका र फर्कन चाहने सबै नेपालीलाई घर फर्काउन सरकारसँग आग्रह गरेको छ ।
सरकारले विभिन्न देशबाट २५ हजार नेपालीलाई फिर्ता गर्ने तयारी गरिरहेकोमा सङ्ख्या तोकेर नभइ आउन चाहने सबै नेपालीलाई फिर्ता ल्याउने कार्ययोजना बनाउन कांग्रेसले आग्रह गरेको हो ।
नेपाली कांग्रेस जनसम्पर्क समिति समन्वय विभाग प्रमुख गोविन्द भट्टराईले विज्ञप्ति निकालेर जुनसुकै देशमा रहेका नेपालीलाई आफ्नो घर फर्कन पाउने अधिकार रहेकाेले तत्कालीन र दीर्घकालीन योजना बनाएर उनीहरुलाई घर फर्काउनुपर्ने जनाइएकाे छ ।
उहाँले नेपालीलाई घर फर्काउन थालिएकोमा सरकारलाई धन्यवाद पनि दिनुभएको छ । चालु आर्थिक वर्षमा विदेशमा रहेका पाँच लाख नेपालीलाई स्वदेश फिर्ता गरेर रोजगारीमूलक काममा लगाउने उल्लेख गरिए पनि कार्यान्वयन नभएको उल्लेख गर्दै संयोजक भट्टराईले अब त्यसलाई कार्यान्वयन गर्न सकिने समय आएको बताउनुभएको छ ।
रोजगारी गुमाएका र नेपाल आउने खर्च जुटाउन नसक्ने नागरिकलाई सरकार आफैले खर्च गरेर वा सम्बन्धित देशका सरकारसँग कुटनीतिक पहल गरी उनीहरु कार्यरत कम्पनी वा सरकारको लगानीमा नेपाल ल्याउन प्रबन्ध गर्नुपर्ने विज्ञप्तिमा उल्लेख छ ।
विज्ञप्तिमा विदेशमा अध्ययनरत नेपाली विद्यार्थीको रोजगारी पनि गुमेको र तत्काल घरबाट पैसा पठाउन नसकिने अवस्थाका कारण पढाइ बीचमै छोड्नुपर्ने अवस्था आउन थालेकोतर्फ पनि सरकारको ध्यानाकर्षण गराइएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
Deviramregmi
June 6, 2020, 9:21 p.m.I want to go back my house I