कास्की – गण्डकी प्रदेशसभा बैठक एक साताका लागि स्थगित भएको छ ।

सोमबार १ बजेका लागि डाकिएको बैठक सुरु हुनुभन्दा एक घण्टाअघि नै स्थगित भएको हो । विधायन समितिबाट आउनुपर्ने विधेयक नआएका कारण सदन स्थगित भएको प्रदेशसभाका सचिव शम्भुबहादुर खड्काले जानकारी दिनुभयो । संसदमा जाने विधेयकको छलफल गरेर टुंगो लगाउने जिम्मा संसदीय समितिमध्येको विधायन समितिलाई दिइएको छ ।

सोमबार समितिको छलफल गरेर २ विधेयक संसदमा पठाउने योजना थियो । तर, विधायन समितिका सदस्य नै अनुपस्थित भएको तथा अर्थसँग सम्बन्धित विषयमा छलफल हुन नपाउँदा संसद नै स्थगित हुन पुगेको हो ।

प्रदेशसभा सचिवालय व्यवस्थापन कार्यविधि र प्रदेश कानुनको संशोधन विधेयक विधायन समितिमा छ । समितिको बैठक बस्न नसकेका कारण छलफल नै नभएको समितिका सभापति मोहन रेग्मीले बताउनुभयो । आउँदो बैठकमा विधेयक पेश गर्ने उहाँको भनाई छ ।