डोटी – डोटीको पूर्वीचौकी गाउँपालिका२ बगलेकका नागरिकले खाना पकाउँदा आउने धुवाँबाट मुक्ति पाएका छन् ।

मानवीय सेवामा अनेकौँ प्रयास (साइन नेपाल) नामक गैरसरकारी संस्थाले त्यस वडामा हरेका चार सय ७२ परिवारलाई धुवाँरहित फलामे चुलो वितरण गरेपछि यहाँका नागरिकले धुवाँबाट मुक्ति पाएका हुन् । यस संस्थाको ८५ लाख रुपैयाँको सहयोगमा वडाका सबै नागरिकका घरमा धुवाँरहित चुलो वितरण गरिएको हो । 

धुवाँरहित चुलाेले मानव शरीरमा लाग्ने फोक्सोको रोग, बाल–बच्चालाई लाग्ने निमोनिया, आखाँमा हुने विभिन्न किसिमका रोगबाट जाेगिन मद्दत गर्छ । समयकाे बचत, दाउरा पनि कम खपत हुने हुँदा कामको बोझमा कमी ल्याउने उद्देश्यले चुलाे वितरण गरिएको संस्थाका कोषाध्यक्ष मेघराज भट्टले जानकारी दिनुभयो। धुवाँरहित चुलो पाएपछि वडाका नागरिक खुसी भएका छन् । 

पालिकाका सबै वडामा धुवाँरहित चुलो वितरण गर्ने योजना रहेको संस्थाले जनाएको छ ।