धनकुटा - धनकुटाको छथर जोरपाटी गाउँपालिकाको अध्यक्षमा नेपाली कांंग्रेसका उम्मेदवार छत्रबहादुर सुब्बा विजयी हुनुभएकाे छ । 

उहाँले ४३५९ मत ल्याउनु भएकाे छ । गठबन्धनको तर्फबाट उम्मेदवार बनेका सुब्बा १९५ मतान्तरले निर्वाचित हुनुभएकाे हाे। उहाँका निकटतम प्रतिद्वन्द्वि नेकपा एमालेका उम्मेदवार शेरबहादुर लिम्बुले ४१६४ मत ल्याउनुभएकाे छ।

गाउँपालिका उपाध्यक्षमा गठबन्धनको तर्फबाट उम्मेदवार बन्नुभएकी माओवादी केन्द्रकी गीता गुरुङ विजयी हुनुभएकाे छ । उहाँले ४३८७ मत प्राप्त गर्नुभएकाे छ भने उहाँका प्रतिस्पर्धी नेकपा एमालेकी गोमा कार्कीले ३६९१ मत ल्याउनुभएकाे छ । 

यस्तै धनकुटाको साँगुरीगढी गाउँपालिकाको अध्यक्षमा नेपाली कांंग्रेसका उम्मेदवार जितेन्द्र राई विजयी हुनुभएकाे छ । उहाँले ५३९९ मत ल्याउनु भएकाे छ ।  उहाँ पनि गठबन्धनको तर्फबाट उम्मेदवार बन्नु भएकाे हाे । उहाँका प्रतिस्पर्धी नेकपा एमालेका उम्मेदवार कुमारजङ्ग याखाले ४८२८ मत ल्याउनु भएकाे छ ।

गाउँपालिका उपाध्यक्षमा एमाले उम्मेदवार मुना राई विजयी हुनुभएकाे छ । उहाँले ४६५० मत प्राप्त गर्नुभएकाे छ । उहाँका प्रतिस्पर्धी गठबन्धनका तर्फबाट जनता समाजवादी पार्टीका लिलाराज लावतीले ४१३६ मत ल्याउनुभएकाे छ ।