रोल्पा  – प्रतिनिधि सभा र प्रदेश सभाका लागि आज सम्पन्न मतदानमा रोल्पामा करिब ४६ प्रतिशत मत खसेको अनुमान गरिएको छ । 

जिल्लाको अन्तिम मत परिणामका आधारमा करिब ४६ प्रतिशत मत खसेको मुख्य निर्वाचन अधिकृत खिमानन्द भुसालले बताउनुभयो । उहाँका अनुसार सबैभन्दा कम थवाङ गाउँपालिकामा मत खसेको छ । थबाङ गाउँपालिकामा २ हजार ४१८ मत मात्र खसेको छ । थवाङ गाउँपालिका भित्र मिरुल, उवा र थबाङ गरि साविकका तीन गाविस पर्दछन् । त्रिवेणी गाउँपालिकामा ८ हजार १२२ मत खसेको छ भने रुन्टीगढीमा ८ हजार ६७९, परिवर्तनबाट ६ हजार ३२०, गंगादेवबाट ६ हजार ७१३, माडीबाट ६ हजार १२८, सुनिलस्मृति गाउँपलिकाबाट ८ हजार २३४, सुनछहरीबाट ४ हजार ३९०, लुग्रीबाट ६ हजार ८७३ र रोल्पा नगरपालिकाबाट ९ हजार ५६० खसेको छ ।

जिल्लाको जम्मा मत संख्या १ लाख ४५ हजार ४७१ रहेको छ । जिल्लामा ८६ मतदान स्थल र १७७ मतदान केन्द्र रहेको छ । गएकाे पालिका तहको चुनावमा भने रोल्पामा करिब ६६ प्रतिशत मत खसेको थियो ।