मकवानपुर - हेटाैँडामा एक थान पेस्ताेल र २० राउण्ड गाेलीसहित तीन जना पक्राउ परेका छन् । प्रहरीले हेटौँडा उपमहानगरपालिका-४ हुप्राचौरमा रहेकाे एक घरको कोठाबाट पेस्ताेल र गाेलीसहित ३३ वर्षीय निश्चल पौडेल, ३५ वर्षीय गणेश घले र ३० वर्षीय प्रितम क्षेत्रीलाई पक्राउ गरेकाे हाे । 

मकवानपुर प्रहरी प्रमुख एसपी सीताराम रिजालले गएकाे साेमवार हेटौँडा–९ धर्मपथमा रहेकाे सूर्यप्रसाद पौडेलको घरमा लगातार गोली पड्केको आवाज सुनेपछि प्रहरीले अनुसन्धान थालेको जानकारी दिनुभयाे ।

पक्राउ परेका तीनै जना ठेक्कापट्टा तथा लागुऔषध काराेबारमा संलग्न रहेका पाइएकाे उहाँले बताउनुभयाे । उनीहरुकाे डेराबाट ५ थान पेस्तोल सफा गर्ने रड, खैरो हेराेइन २ दशमलव ४० ग्राम, लागुऔषध जोख्ने विद्युतीय तराजु, नगद ५० हजार रुपैयाँ बरामद गरिएको रिजालले जानकारी दिनुभयाे । उनीहरुले प्रयाेग गर्ने ना २५ प ३३०५ र ना ६३ प ९६७८ नम्बरको मोटरसाइकल पनि नियन्त्रणमा लिइएको प्रहरीले जनाएकाे छ।

पक्राउ परेकामाथि जिल्ला अदालत मकवानपुरबाट म्याद थप गरी ज्यान, लागुऔषध र हातहतियार सम्बन्धी मुद्दामा अनुसन्धान तथा कारबाही प्रक्रिया अगाडि बढाइने रिजालले बताउनु भयाे ।