काठमाण्डौ – बहराइनमा कार्यरत श्रमिकलाई ‘लेबर रजिस्ट्रेसन प्रोग्राम’ मा सहभागी हुन त्यहाँ रहेको नेपाली दूतावासले अनुरोध गरेको छ ।

बहराइनले अहिले प्रयोगमा रहेको फ्लेक्सी भिसालाई प्रतिस्थापन गर्दै यो कार्यक्रम ल्याएको भन्दै दूतावासले फ्लेक्सी भिसा अन्तर्गत काम गरिरहेका तथा रजिस्टर वर्क परमिट लिन चाहनेहरूलाई दर्ता हुन भनेको हो ।

तर भिजिट भिसामा रहेका, श्रम कानुन उल्लङ्घन गरेका तथा फौजदारी अभियोग लागेका श्रमिकले भने यो कार्यक्रममा सहभागी हुन पाउने छैनन् । 

यो कार्यक्रममा सूचीकृत हुन चाहने श्रमिकले सबैभन्दा आफू सूचीकरणका लागि योग्य छु कि छैन भनेर यकिन गर्न पर्छ । सूचीकरण हुनका लागि तोकिएको शुल्क लाग्ने छ । थप जानकारीका लागि ३३१५०१५० मा सम्पर्क गर्न सकिन्छ ।