बाल्कोट योग साधना केन्द्रको वार्षिकाेत्सवमा ३८ जनाले रक्तदान गरे

काठमाण्डाै – बाल्कोट योग साधना केन्द्रले सप्ताहव्यापी कार्यक्रम गरी आफ्नो १४औँ स्थापना दिवस मनाएको छ । स्थापना दिवसको अवसरमा सरसफाइ, सचेतना र्‍याली, रक्तदानलगायतको कार्यक्रम गरेको केन्द्रले आज सोमवार विशेष समारोहका साथ दिवस मनाएको हो ।

स्थापना दिवसअन्तर्गत हिजाे ३८ जनाले रक्तदान गरेका केन्द्रका निवर्तमान संयोजक मालती रानाभाटले जानकारी दिनुभयो ।

आजै केन्द्रको कार्यसमिति पुनर्गठनसमेत भएको छ । ठाकुर बुढाथोकीको संयोजकत्वमा नयाँ समिति गठन भएको हो ।

रेडक्रस उपशाखा बाल्कोटको भवनमा हरेक दिन बिहान ५ बजेदेखि डेढ घण्टासम्म चल्ने योग साधनामा ६० जनाभन्दा धेरैको सहभागिता रहने गरेको छ । पतञ्जली सूर्यविनायक नगरयोग समितिअन्तर्गत १७ वटा साधना केन्द्र रहेकामा बालकाेक केन्द्र सबैभन्दा पुरानो हो ।