रौतहटमा जग्गाको विषयमा विवाद हुँदा एक जनाको ज्यान गयो : २ जना पक्राउ

उज्यालो सहकर्मी

बुधबार, असार २४, २०८३

रौतहटमा जग्गाको विषयमा विवाद हुँदा एक जनाको ज्यान गयो : २ जना पक्राउ

काठमाण्डौ - रौतहटको ईशनाथ नगरपालिका औरैयामा जग्गाको विषयमा विवाद हुँदा एक जनाको ज्यान गएको छ ।

हिजो बेलुका विवादका क्रममा धारिलो हतियार प्रहार हुँदा बुटन साहको ज्यान गएको जिल्ला प्रहरी कार्यालय रौतहटले जनाएको छ । घाइते भएका बुटनको उपचारका क्रममा प्रादेशिक अस्पताल गौरमा ज्यान गएको हो ।

घटनामा एक जना घाइते छन् । प्रहरीले २ जनालाई पक्राउ गरेको छ । घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बुधबार, असार २४, २०८३ ११:०६