भारतका भरपर्दा ब्याटर रहाणेले अन्तर्राष्ट्रिय क्रिकेटबाट सन्न्यास लिए

काठमाण्डाै – भारतीय क्रिकेटर अजिन्क्या रहाणेले अन्तर्राष्ट्रिय क्रिकेटबाट सन्न्यास लिएका छन् । ३८ वर्षीय क्रिकेटरले अन्तर्राष्ट्रिय क्रिकेटका सबै फर्म्याटबाट सन्न्यास लिएको सामाजिक सञ्जालमार्फत घोषणा गरेका हुन् ।

रहाणेले भारतका लागि ८५ टेस्ट, ९० एकदिवसीय र २० टी–२० अन्तर्राष्ट्रिय क्रिकेट खेलेका छन् । उनले टेस्टमा १२ शतकसहित ५ हजार ७७, एकदिवसीयमा ३ शतकसहित २ हजार ९६२ र टी–२० मा १ अर्धशतकसहित ३७५ रन बनाएका छन् ।

रहाणेले पछिल्लो पटक सन् २०२३ को जुलाईमा वेस्ट इन्डिजसँगको टेस्ट क्रिकेट खेलेका थिए ।

उनको खेल जीवनको सबैभन्दा ठूलो उपलब्धिमध्ये एक भनेको सन् २०२०–२१ को अस्ट्रेलिया भ्रमणका क्रममा भारतलाई ऐतिहासिक २–१ को टेस्ट शृङ्खला जिताउनु हो । यस जीतको सबैभन्दा उल्लेखनीय पक्ष भनेको एडिलेडमा भएको पहिलो टेस्टमा ३६ रनमै अलआउट भएपछि रहाणेको कप्तानीमा भारतीय टोलीले गरेको शानदार पुनरागमन हो ।

रहाणे विदेश भ्रमणका क्रममा भारतका लागि भरपर्दा मध्यक्रमका ब्याटर हुन् । उनले घरेलु मैदानको तुलनामा विदेशमा धेरै टेस्ट खेलेका छन् ।