वीरगञ्जमा भाेलि बिहान ६ बजेसम्म निषेधाज्ञा

उज्यालो सहकर्मी

शुक्रबार, साउन १५, २०८३

वीरगञ्जमा भाेलि बिहान ६ बजेसम्म निषेधाज्ञा

फाइल तस्वीर

काठमाण्डाै – जिल्ला प्रशासन कार्यालय पर्साले फेरि निषेधाज्ञा आदेश जारी गरेकाे छ । कार्यालयले वीरगञ्ज महानगरपालिकाका ४ वटा ठाउँमा निषेधाज्ञा जारी गरेको छ ।

प्रमुख जिल्ला अधिकारी भोला दाहालका अनुसार आज बेलुका ५ बजेदेखि भाेलि बिहान ६ बजेसम्म लागू हुने गरी पूर्वतर्फ प्रतिमा चाेक (बसपार्क बाइपास रोड), तिलावे पुल (पश्चिम), गण्डक चौक (उत्तर) र शङ्कराचार्य गेट (दक्षिण) मा निषेधाज्ञा जारी भएकाे छ ।

निषेधाज्ञा जारी भएका ठाउँमा ५ जनाभन्दा धेरै मानिस जम्मा/भेला हुन, सभा, जुलुस तथा प्रदर्शन गर्न पाइँदैन ।

जिल्ला प्रशासन कार्यालयले हिजाे पनि यही समयमा यही ठाउँमा निषेधाज्ञा जारी गरेको थियो ।