आज थोरै ठाउँमा मुसलधारे पानी पर्ने सम्भावना

काठमाण्डौ — आज पनि देशका थोरै ठाउँमा मुसलधारे पानी पर्ने सम्भावना छ ।
मनसुनी वायुको प्रभाव कायमै रहेको र आज कोशी, बागमती, गण्डकी, लुम्बिनी र कर्णाली प्रदेशका पहाडी भागका एक - दुई ठाउँमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ ।

अहिले पनि कोशी, बागमती, कर्णाली, गण्डकी र लुम्बिनी प्रदेशका केही ठाउँमा हल्कादेखि मध्यम वर्षा भइरहेको छ । गएराति पर्सा, बारा, चितवन र नवलपरासीमा ठूलो पानी परेको थियो । पर्साको ठोरी, बाराको सिमरा, नवलपरासीको नवलपुर, सितापुरलगायतकमा अति ठूलो पानी परेको महाशाखाले जनाएको छ ।

आज दिउँसो कोशी, बागमती, गण्डकी, लुम्बिनी र कर्णाली प्रदेशका पहाडी भागका एक- दुई ठाउँमा ठूलो पानी पर्ने सम्भावना रहेकाले सतर्कता अपनाउन महाशाखाले आग्रह गरेको छ ।