अमेरिकालाई हराउँदै भलिबल नेसन्स लिगको उपाधि पोल्यान्डले जित्यो

साविक विजेता पोल्यान्डले भलिबल नेसन्स लिग (भिएनएल) २०२६ को उपाधि जितेको छ । चीनको निङ्गबोमा भएको फाइनलमा अमेरिकालाई ३–२ ले हराउँदै पोल्यान्डले उपाधि जितेको हो ।

पोल्यान्ड २–१ ले पछि परेको अवस्थामा अन्तिम दुई सेट लगातार आफ्नो पक्षमा पार्दै च्याम्पियन बनेको हो । पोल्यान्डले सन् २०२३ मा घरेलु मैदानमै भएको पाँचौ संस्करणको भिएनएलमा अमेरिकालाई फाइनलमा हराएर पहिलो पटक उपाधि जितेको थियो ।

 साथै गएको वर्ष चीनमै भएको सातौं संस्करणमा इटालीलाई हराएर दोस्रो पटक च्याम्पियन बनेको थियो । सन् २०१९ देखि शुरु भएको भिएनएलमा पोल्यान्डले तेस्रो पटक उपाधि जित्न सफल भएको छ ।

अमेरिकाले अहिलेसम्म चार पटक फाइनल खेले पनि उपाधि जित्न सकेको छैन ।