राष्ट्रिय टोली छाडेर क्लब फुटबलमा बुबिस्टाको नयाँ यात्रा

काठमाण्डौ - केब भर्डेको प्रशिक्षक पेड्रो लैताओ ब्रिटो (बुबिस्टा) मोरक्कोको रेनेसाँ बर्कानका मुख्य प्रशिक्षक नियुक्त भएका छन् । उनले क्लबलाई दुई वर्ष सम्हाल्ने सम्झौता गरेका छन् । 

बुबिस्टाले पछिल्ला ६ वर्ष केप भर्डे राष्ट्रिय फुटबल टोलीको नेतृत्व गर्दै ऐतिहासिक सफलता दिलाएका थिए । उनको नेतृत्वमा टोलीले पहिलो पटक विश्वकपमा स्थान बनाएको र टोलीलाई नकआउट चरणसम्म पुर्‍याएका थिए । साथै, सन् २०२४ को अफ्रिका कप अफ नेसन्समा टोली क्वार्टरफाइनलसम्म पुगेको थियो । 

मोरक्कोको सञ्चारमाध्यमका अनुसार बुबिस्टा राष्ट्रिय टोलीसँगै क्लबको जिम्मेवारी पनि सम्हाल्न इच्छुक थिए । तर क्लबले पूर्ण रूपमा क्लबमै केन्द्रित हुनुपर्ने शर्त राखेपछि उनले केप भर्डेको जिम्मेवारीबाट अलग हुने निर्णय गरेका हुन् । 

राष्ट्रिय टोलीबाट क्लब फुटबलमा प्रवेश गरेका बुबिस्टाका लागि यो पहिलो अनुभव हुनेछ ।