पाेलार्डलाई पछि पार्दै बटलर बने टी–२० क्रिकेटमा सबैभन्दा धेरै रन बनाउने खेलाडी

काठमाण्डाै – इङ्ग्ल्यान्डका जोस बटलर टी–२० क्रिकेटको इतिहासमा सबैभन्दा धेरै रन बनाउने खेलाडी बनेका छन् ।

‘द हन्ड्रेड लिग’ मा गएराति म्यानचेस्टर सुपर जायन्ट्सबाट खेल्दै २२ रन जोड्दै उनले यो कीर्तिमान बनाएका हुन् । यो खेलमा बटलरले २० बलमा नटआउट ५१ रन बनाए । योसँगै उनले ५२२ टी–२० खेलमा ३५.४८ को औसतमा ९ शतक र १०६ अर्धशतकसहित १४ हजार ८३३ रन बनाएका छन् ।

३५ वर्षीय बटलरले वेस्ट इन्डिजका पूर्वक्रिकेटर कायरन पोलार्डको कीर्तिमान तोडेका हुन् । ३९ वर्षीय पोलार्डले ७४६ टी–२० खेलमा १४ हजार ८०३ रन बनाएका छन् ।

टी–२० क्रिकेटमा सबैभन्दा धेरै रन बनाउने खेलाडीको तेस्रो सूचीमा रहेका वेस्ट इन्डिजका क्रिस गेलले १४ हजार ५६२ रन बनाएका छन् ।

गएको मार्चमा भएको टी–२० विश्वकपमा बटलरले राम्रो प्रदर्शन गर्न सकेका थिएनन् । उनले ८ खेलमा जम्मा ८७ रन मात्र बनाउन सके जसले गर्दा उनको भविष्यबारे आशङ्का उब्जिएका थिए ।