आज काठमाण्डौ उपत्यकासहित ३५ जिल्लामा बाढीको जोखिम

काठमाण्डौ – आज काठमाण्डौ उपत्यकासहित ३५ जिल्लामा आकस्मिक बाढीको मध्यम जोखिम छ ।

बाढी पूर्वानुमान महाशाखाका अनुसार आज काठमाण्डौ, भक्तपुर र ललितपुरसहित देशका ३५ जिल्ला र ती जिल्ला आसपासका क्षेत्रमा बाढीको जोखिम छ ।

झापा, मोरङ, इलाम, पाँचथर, तेह्रथुम, धनकुटा, ताप्लेजुङ, संखुवासभा, सोलुखुम्बु, ओखलढुङ्गा, दोलखा, रामेछाप, सिन्धुपाल्चोक, काभ्रे, मकवानपुर, गोरखा, लमजुङ, कास्की, तनहुँ, बागलुङ, म्याग्दी, रुकुमपूर्व, रुकुम पश्चिम, जाजरकोट, सल्यान, दैलेख, सुर्खेत, बर्दिया, कैलाली, बझाङ, दार्चुला, बैतडी र आसपासका जिल्ला भई वहने स–साना नदीको बहाव उल्लेख्य बढ्ने र आकस्मिक बाढीको मध्यम जोखिमको सम्भावना रहेको महाशाखाले जनाएको छ ।

मौसम पूर्वानुमान महाशाखाका अनुसार आज कोशी, बागमती र गण्डकी प्रदेशको हिमाली र पहाडी भागका साथै कर्णाली प्रदेशको पहाडी भाग र लुम्बिनी प्रदेशको पहाडी र तराईका थोरै क्षेत्रमा पानी पर्ने सम्भावना छ । एक / दुई ठाउँमा मात्रै ठूलो पानी पर्न सक्ने अनुमान छ । यही क्रम भोलि र पर्सिसम्म रहनेछ ।