पिएसजीलाई लगातार दोस्रोपटक सुपर कपको उपाधि

काठमाण्डौ – पेरिस सेन्ट जर्मेन (पिएसजी) ले एस्टन भिल्लालाई २–१ ले पराजित गर्दै लगातार दोस्रोपटक युइएफए सुपर कपको उपाधि जितेको छ ।

रेड बुल एरिनामा गएराति भएको फाइनलमा पिएसजीले २० औँ मिनेटमा अग्रता लियो । तर, पहिलो हाफको अन्तिम मिनेटमा एस्टन भिल्लाका १७ वर्षीय ब्रायन माड्जोले गोल गर्दै खेल बराबरीमा ल्याए ।

पिएसजीका डिजिरे डुएले ६२ औँ मिनेटमा निर्णायक गोल गरे । योसँगै च्याम्पियन्स लिग विजेता पिएसजीले गएको वर्ष जितेको उपाधि रक्षा गरेको छ । उसले गएको वर्ष टोटनहम हटस्परलाई पेनाल्टी सुटआउटमा पराजित गर्दै पहिलोपटक सुपर कप जितेको थियो ।

यो हारसँगै भिल्लाका प्रशिक्षक उनाइ एमरीको सुपर कपको फाइनलमा उपाधि जित्ने प्रयास फेरि असफल भएको छ ।