जाभी बने नेदरल्यान्ड्सकाे प्रशिक्षक

काठमाण्डाै – बार्सिलोनाका पूर्वप्रशिक्षक जाभी हर्नान्डेज ४ वर्षको सम्झौतामा नेदरल्यान्ड्सको नयाँ मुख्य प्रशिक्षकमा नियुक्त भएका छन् ।

बार्सिलोना र स्पेनका लागि खेलेका ४६ वर्षीय जाभी सन् १९७८ मा अस्ट्रियाली प्रशिक्षक अर्न्स्ट ह्यापलले पद छोडेयता नेदरल्यान्ड्सको जिम्मेवारी सम्हाल्ने पहिलो गैर–डच प्रशिक्षक बनेका छन् ।

फिफा विश्वकप २०२६ मा अन्तिम ३२ मा मोरक्कोसँग पराजित भएपछि रोनाल्ड कोम्यानले नेदरल्यान्ड्सको प्रशिक्षक पदबाट राजीनामा दिएका थिए ।

जाभी हर्नान्डेजले नेदरल्यान्ड्सको राष्ट्रिय टोलीको मुख्य प्रशिक्षक बन्न पाउनु आफ्ना लागि ठूलो सम्मान भएको बताएका छन् ।

जाभीले नेदरल्यान्ड्सको प्रशिक्षकका रूपमा आफ्नो कार्यकाल नेसन्स लिगअन्तर्गत आउँदो सेप्टर २४ मा जर्मनीसँगको खेलबाट शुरू गर्नेछन् ।

जाभीले स्पेनबाट ३ वटा अन्तर्राष्ट्रिय उपाधि जितेका छन् । उनी सन् २०१० को विश्वकप फाइनलमा नेदरल्यान्ड्सलाई हराउने स्पेनी टोलीका सदस्य पनि थिए ।