पाकिस्तानको अस्पतालमा आगलागी, १४ नवजात शिशुको ज्यान गयो

पाकिस्तानको राजधानी इस्लामाबादमा रहेको एक अस्पतालमा आगलागी हुँदा कम्तीमा १४ जना नवजात शिशुको ज्यान गएको छ ।

सरकारी अस्पताल ‘पाकिस्तान इन्स्टिच्युट अफ मेडिकल’ (पीआईएमएस) को प्रसूति कक्षमा आज बिहान साढे ६ बजेतिर आगलागी भएको चिनियाँ समाचार संस्था सिन्ह्वाले जनाएको जनाएको छ ।

९ जना बालबालिकाको घटनास्थलमै ज्यान गएको र अन्य घाइतेहरूलाई बाल कक्षमा सारेर उपचार गर्ने क्रममा ज्यान गएको खबरमा उल्लेख छ । आगलागीको समयमा १५ जना बालबालिका प्रसूति कक्षमा भर्ना भएका थिए ।

पाकिस्तानका प्रधानमन्त्री शहबाज शरिफले अस्पतालमा भएको आगलागीको घटनाप्रति दुःख व्यक्त गर्नुभएको छ । उहाँले अधिकारीहरूलाई तत्काल घटनाको छानबिन गर्न निर्देशन दिनुभएको छ ।

यसैबीच घटनाको छानबिन गर्न एउटा समिति गठन भएको छ । यो समितिले आगलागीका कारणहरूको छानबिन गर्नेछ ।