माथिल्लो त्रिशूली ३ ‘ए’ को ‘क्राउन हेड’ भेटियो

काठमाण्डाै – नेपाली सेनाले माथिल्लो त्रिशूली ३ ‘ए’ जलविद्युत् आयाेजनाकाे माथिल्लाे मुख्य भाग ‘क्राउन हेड’ फेला पारेको छ । विगत ३ दिनदेखि लगातार काम गरिरहेको सेनाको टोलीले आज दिउँसो सुरुङकाे सबैभन्दा माथिल्लो भाग फेला पारेको हो ।

विशेषज्ञसहितको संयुक्त टोलीले ड्रिलिङ मेशिन, एक्स्काभेटर, हाइड्रोलिक कटरलगायत सामग्री प्रयोग गरेर सुरुङको माथिल्लो माग फेला पारेको हो ।

क्राउन हेडमा प्वाल पारेर उद्धार टोली भित्र प्रवेश गरेको थियो । त्यस क्रममा बोलाउँदा कुनै प्रतिक्रिया नआएको प्रधानमन्त्री वालेन्द्र शाहको सचिवालयले जनाएको छ । त्यसपछि उद्धारलाई थप सहज र तीव्र बनाउन ठूला उपकरण, ब्लास्टिङ र प्वाल फराकिलो पार्ने काम भइरहेको सचिवालयले जनाएको छ ।

आयोजनाको भूमिगत विद्युत् गृहमा काम गरिरहेका झन्डै ४० देखि ४५ जना प्राविधिक तथा कर्मचारी सुरुङ क्षेत्रमा फसेको अनुमान छ ।