मकवानपुरमा माइक्राेबस दुर्घटना : चार जनाकाे ज्यान गयाे

काठमाण्डाै – हेटौँडा, ३० भदौः मकवानपुरको इन्द्रसरोवर गाउँपालिका–२ सुकौरामा यात्रुवाहक माइक्राेबस दुर्घटना हुँदा चार जनाको ज्यान गएकाे छ भने चार जना घाइते भएका छन् ।

काठमाण्डाैबाट हेटौँडा–भीमफेदी–कुलेखानी–फाखेल सडक खण्ड हुँदै वीरगञ्जतर्फ गुडिरहेकाे मधेश प्रदेश ०३–००१ ज ०७२० नम्बरको माइक्राे आज दिउँसाे २ बजेतिर सडकबाट झन्डै १ हजार मिटर तल खसेर दुर्घटना भएको प्रहरीले जनाएकाे छ ।

दुर्घटनामा चार पुरुषको घटनास्थलमै ज्यान गएकाे हाे । ज्यान गुमाउनेकाे परिचय खुलिसकेकाे छैन ।

यस्तै दुर्घटनामा घाइते भएका दुई पुरुष र एक महिलालाई उपचारका लागि काठमाण्डाै पठाइएकाे छ । अर्की एक महिलालाई हेटौँडा पठाइएको छ ।

माइक्राेबसमा चालकसहित आठ जना रहेका थिए ।