डाटा सेन्टरमा प्राविधिक समस्या, शेयर बजार बन्द

उज्यालो सहकर्मी

सोमबार, असोज ५, २०८३

काठमाण्डाै – नेपाल स्टक एक्सचेन्ज (नेप्से) ले आजको नियमित शेयर कारोबार स्थगित गरेको छ ।

नेप्सेका अनुसार डाटा सेन्टरमा प्राविधिक समस्या आएको छ । समस्या समाधानका लागि पहल भइरहेको नेप्सेले जनाएको छ ।

यो समयमा कारोबार सञ्चालन गर्दा नेप्सेको प्रणालीमा समेत क्षति पुग्न सक्ने भन्दै आजको कारोबार बन्द गरेको नेप्सेले सूचनामार्फत जनाएको छ ।

धितोपत्र सूचीकरण तथा कारोबार नियमावलीअनुसार आजको कारोबार स्थगित गरेको नेप्सेले जनाएको छ ।

अघिल्लो कारोबार दिन नेप्से २२.८५ अङ्कले बढेर २ हजार ६४७.२२ विन्दुमा पुगेर बन्द भएको थियो ।

प्रकाशित मिति: सोमबार, असोज ५, २०८३ ११:४१

थप अर्थ

पेट्रोलियमको मूल्य नबढेसम्म चाडपर्वमा भाडा बढाउँदैनौँ : अध्यक्ष सिटौला