फुटबलमा मेसी युगको अन्त्य : बिदाइ खेलमा अर्जेन्टिना विजयी

काठमाण्डौ – विश्व फुटबलमा लियोनल मेसी युगको अन्त्य भएको छ ।

आज राष्ट्रिय टोलीबाट ब्युनर्स आयर्समा मेसीले अन्तिम खेल खेले । उनले २१ वर्षको राष्ट्रिय टोलीको यात्रा बेनिनसँगको मैत्रीपूर्ण खेलबाट अन्त्य गरेका हुन् ।

मेसीको बिदाई खेलमा अर्जेन्टिनाले बेनिनलाई ३–० ले पराजित गरेको छ । आज बिहान भएको खेलमा उनले गोल गरे । मेसीले पेनाल्टीमार्फत् ७१औँ मिनेटमा गोल गरेका हुन् । अर्जेन्टिनाका लागि यो उनको १ सय २६औँ गोल रह्यो ।

आजका थप दुई गोलमा पनि उनको भूमिका महत्वपूर्ण रह्यो । निकोलस ओटमेन्डीले ४८औँ मिनेटमा र निको पाजले ६१औँ मिनेटमा गोल गरेका थिए । मेसीले यसअघि नै अन्तर्राष्ट्रिय फुटबलबाट सन्यास लिने घोषणा गरेका थिए ।

विश्वकप फुटलब सन् २०२६ को फाइनल उनको औपचारिक अन्तिम खेल रह्यो । फाइनलमा अर्जेन्टिना स्पेनसँग १ गोलले पराजित भएको थियो । सन् २०२२ मा कतारमा भएको विश्वकप फुटबलमा उनकै कप्तानीमा अर्जेन्टिनाले सन् १९८६ पछि उपाधि जितेको थियो ।

अर्जेन्टिनाको जर्सी लगाएर सबैभन्दा धेरै पटक मैदानमा उत्रने र सबैभन्दा धेरै गोल गर्ने कीर्तिमान बनाएका मेसीलाई आफ्नो २०८औँ खेल खेल्ने क्रममा उनका समर्थकहरूले भावपूर्ण बिदाइ गरेका छन् ।