एशिया कप राइजिङ स्टार्समा नेपालले पहिलो खेल भारत ‘ए’ सँग खेल्ने

काठमाण्डौ – कतारमा आयोजना हुने एसीसी पुरुष एशिया कप राइजिङ स्टार्स क्रिकेट प्रतियोगितामा नेपालले आफ्नो पहिलो खेल भारत ‘ए’ सँग खेल्ने भएको छ ।

एशियन क्रिकेट काउन्सिल (एसीसी) ले सार्वजनिक गरेको खेल तालिकाअनुसार नेपालले नोभेम्बर २० अर्थात् मंसिर ४ गते भारत ‘ए’ सँग प्रतिस्पर्धा गर्नेछ ।

दोहामा रहेको वेस्ट इन्ड इन्टरनेसनल क्रिकेट स्टेडियममा हुने खेल नेपाली समयअनुसार दिउँसो पौने ४ बजे शुरु हुनेछ । नोभेम्बर १९ अर्थात मंसिर ३ देखि सञ्चालन हुने प्रतियोगितामा आठ टोली सहभागी हुनेछन् ।

प्रतियोगितामा नेपाल समूह ‘बी’ मा छ । यस समूहमा भारत ‘ए’, पाकिस्तान ‘ए’ र संयुक्त अरब इमिरेट्स (यूएई) छन् । नेपालले समूह चरणको दोस्रो खेल मंसिर ६ गते यूएईसँग  खेल्नेछ ।

त्यस्तै, नेपालले समूह चरणको अन्तिम खेल मंसिर २४ गते पाकिस्तान ‘ए’ सँग खेल्नेछ ।