नेभिगेशन
सोमबार, कात्तिक ३०, २०८३

इटालीलाई हराउँदै बेल्जियम यूईएफए नेसन्स लिगको क्वार्टरफाइनलमा

यूईएफए नेसन्स लिग फुटबलमा बेल्जियमले इटालीलाई ४–१ गोलले पराजित गर्दै क्वार्टरफाइनलमा स्थान बनाएको छ ।

ब्रसेल्समा गएराति भएको खेलमा इटालीका लागि फ्रान्सेस्को पियो एस्पोसिटोले ११ औँ मिनेटमा गोल गरेका थिए । तर बेल्जियमका म्याक्सिम डे क्युपर, नाथन एनगोय र जेरेमी डोकुले पहिलो हाफमै गोल गर्दै टोलीलाई ३–१ को अग्रता दिलाए ।

दोस्रो हाफमा डिएगो मोरेइराले थप एक गोल गरेपछि बेल्जियम ४–१ ले विजयी भयो । यस्तै, फ्रान्सले टर्किएलाई २–१ गोलले पराजित गर्दै क्वार्टरफाइनलमा स्थान सुरक्षित गरेको छ ।

अर्को खेलमा इंग्ल्यान्डले स्पेनलाई उसकै घरेलु मैदानमा ३–२ गोलले हराएको छ । हारका बाबजुद स्पेन पनि समूहको दोस्रो स्थानमा रहँदै क्वार्टरफाइनलमा पुगेको छ ।

त्यस्तै, क्रोएसियाले चेक रिपब्लिकलाई २–१ गोलले पराजित गरेको छ । 

प्रकाशित मिति:
थप खेलकुद