नेभिगेशन
बुधबार, मंसिर २, २०८३

चितवन राइनोज विजयी, फाइनलमा पुग्न सुदूरपश्चिमसँग खेल्ने

काठमाण्डौ - नेपाल प्रिमियर लिग (एनपीएल) अन्तर्गत एलिमिनेटर खेलमा काठमाण्डौ गोर्खाजलाई ६१ रनले पराजित गर्दै चितवन राइनोजले क्वालिफायर–२ मा स्थान बनाएको छ ।  

त्रिवि क्रिकेट मैदान, कीर्तिपुरमा चितवनले दिएको २०५ रनको लक्ष्य पछ्याएको काठमाण्डौले ९ विकेट गुमाएर १४३ रनमात्रै बनाउन सक्यो ।

यसअघि चितवनले  ४ विकेट गुमाएर २०४ रन बनाएको थियो । चितवनका लागि कामिल मिशाराले अविजित १२० रन बनाए भने रवि बोपाराले ५३ रन बनाए । 

चितवनले अब फाइनल प्रवेशका लागि सुदूरपश्चिम रोयल्ससँग दोस्रो क्वालिफायरमा भोलि प्रतिस्पर्धा गर्नेछ । चितवन राइनोज र सुदूरपश्चिम रोयल्सबीचको खेल भोलि बेलुका ५ बजे हुनेछ । 

हिजो भएको पहिलो क्वालिफायरमा सुदूरपश्चिमलाई हराउँदै लुम्बिनी लाइन्सले फाइनल प्रवेश गरेको छ । 

प्रकाशित मिति:
थप खेलकुद