नेभिगेशन
शुक्रबार, मंसिर ४, २०८३

आजको मौसम मुख्यतया सफा, भोलिदेखि केही ठाउँमा हल्का वर्षाको सम्भावना

काठमाण्डौ – आज देशभरको मौसम मुख्यतया सफा रहने र भोलिदेखि केही ठाउँमा हल्का वर्षा र हिमपातको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार आज कोशी र मधेश प्रदेशमा आंशिक बादल लागे पनि  बाँकी ठाउँमा मौसम मूख्यतया सफा रहनेछ । अहिले बिहान तराई, उपत्यका तथा खोँचहरूका थोरै ठाउँमा हुस्सु र कुहिरो लागेको छ ।

भोलि देशभर आंशिक बादल लाग्ने र कोशी प्रदेशको एक/दुई ठाउँमा मेघगर्जन/चट्याङ्गसहित हल्का वर्षा र हिमपातको सम्भावना रहेको महाशाखाले जनाएको छ । साथै मधेश प्रदेशको एक/दुई ठाउँमा पनि मेघगर्जन/चट्याङ्ग सहित हल्का वर्षाको सम्भावना छ ।

पर्सि आइतवार पनि कोशी प्रदेश र  हिमाली भागका एक/दुई ठाउँमा हल्का वर्षा र हिमपातको सम्भावना छ । सोमवार हिमाली भू–भाग तथा कोशी र गण्डकी प्रदेशको पहाडी भागका एक/दुई ठाउँमा हल्का वर्षा र हिमपातको सम्भावना रहेको महाशाखाले जनाएको छ ।


 

प्रकाशित मिति:
थप समाज