नेभिगेशन
शुक्रबार, मंसिर ४, २०८३

आर्मेनियामा टेलिभिजन बहसमा पत्रकार र अतिथिबीच कुटाकुट

टेलिभिजनमा हुने राजनीतिक बहसहरूमा राजनीतिज्ञहरू र प्यानलिस्टहरूबीच प्रायः चर्काचर्की परेको देख्न पाइन्छ । कहिलेकाहीँ बहस यति चर्कन्छ कि सहभागीहरू एकअर्काप्रति व्यक्तिगत आक्षेप लगाउन थाल्छन् । तर आर्मेनियाको सरकारी टेलिभिजन च्यानलमा भएको एउटा राजनीतिक छलफलका क्रममा भने पत्रकार र अतिथि वक्ताबीच हात हालाहाल भएको छ ।

आर्मेनियाको सरकारी प्रसारकको कार्यक्रम ‘द ग्रेट डिबेट’ मा यही नोभेम्बर १३ मा देशको राजनीतिबारे छलफल गरिरहेका पत्रकार बोरिस मुराजी र राजनीतिक विश्लेषक हारुत्युन मर्क्च्यानबीच चर्काचर्कीपछि कुटाकुट भएको हो ।

मर्क्च्यानले पत्रकार मुराजीलाई आर्मेनियाका पूर्वराष्ट्रपति सर्ज साग्स्यार्नसँगको कथित व्यक्तिगत सम्बन्धबारे प्रश्न गर्नुभएको थियो । त्यो प्रश्नलाई पत्रकार मुराजीले अपमानजनक र अस्वीकार्य भन्दै आपत्ति जनाउनुभएको थियो । त्यसपछि दुवै जनाबीच गालीगलौज शुरू हुँदै हात हालाहालको अवस्था आयो ।

सरकारी टेलिभिजनबाट प्रसारण भएको भिडियोमा दुवै जनाले एकअर्कालाई मुक्का र लात्ती प्रहार गरेको देखिन्छ । स्थिति नियन्त्रणमा लिन प्राविधिक टोलीका सदस्य र कार्यक्रमका प्रस्तोताहरू दुई जनालाई छुट्याउन पुगेका थिए ।

यस विषयमा टेलिभिजन च्यानलको भूमिकालाई लिएर पनि प्रश्नहरू उठेका छन् । यो कार्यक्रम प्रत्यक्ष (लाइभ) थिएन; त्यो पहिले नै रेकर्ड गरिएको थियो । यसका बाबजुद च्यानलले हिंसा र आपत्तिजनक अपशब्दहरू समावेश भएका अंशहरूलाई सम्पादन नगरी प्रसारण गर्‍याे ।

प्रकाशित मिति:
थप विश्व