नेभिगेशन
शनिबार, मंसिर ५, २०८३

एशिया कप राइजिङ स्टार्समा नेपाल भारतको ‘ए’ टोलीसँग ३०६ रनले पराजित

एशिया कप राइजिङ स्टार्सको आफ्नो पहिलो खेलमा नेपाल भारतको ‘ए’ टोलीसँग पराजित भएको छ । गएराति कतारको दोहामा भएको खेलमा नेपाल ३०६ रनले पराजित भएको हो ।

भारत ‘ए’ ले दिएको ३३३ रनको लक्ष्य पछ्याएको नेपाल ११ ओभर ३ बलमा २६ रनमा अलआउट भयो । नेपालका कुनै पनि खेलाडीले दोहोरो अंकमा रन बनाउन सकेनन् । पवन सर्राफ र रासिद खानले सर्वाधिक समान ६ रन जोडे । भारतका प्रिन्स यादवले ५ तथा हर्षित रानाले ४ विकेट लिए ।

त्यसअघि कुमार कुशाग्र र कप्तान तिलक वर्माको शतकमा भारतले नेपाललाई बलियो लक्ष्य दिएको थियो । टस हारेर पहिला ब्याटिङ गरेको भारत ‘ए’ ले निर्धारित ५० ओभरमा ९ विकेट गुमाएर ३३२ रन बनाएको थियो । उसका कुशाग्रले ११७ तथा कप्तान वर्माले १०७ रन बनाए ।

नेपालका कप्तान सन्दीप लामिछाने र ललित राजवंशीले समान ३–३ विकेट, नन्दन यादवले २ विकेट र पवन सर्राफले १ विकेट लिए ।

नेपालले अब दोस्रो खेल भोलि यूएईसँग र तेस्रो खेल मंगलबार पाकिस्तान ‘ए’ सँग खेल्नेछ ।

प्रकाशित मिति:
थप खेलकुद