आलोक नाथलाई फिल्ममा राखेको कुरामा आलोचना भएपछि अजय देवगनकाे यस्ताे स्पष्टीकरण

वैशाख ६, २०७६ शुक्रबार १४:९:३६ | उज्यालो सहकर्मी

अभिनेता अजय देवगनले हालै उनको फिल्म ‘दे दे प्यार दे’ मा आलोक नाथलाई राखेको भन्दै आलोचनाको सामना गर्नुपरेको थियाे ।

अभिनेत्री तनुश्री दत्ता तथा कंगना रनावतकी दिदी रंगोली चन्देलले त झन सार्वजनिक रुपमै अजयलाई विभिन्न आरोप लगाउँदै गाली पनि गरिसकेका छन् । यस्तै आलोक नाथलाई बलात्कारको आरोप लगाएकी विनता नन्दाले पनि अजयले आलोक नाथलाई काम दिनु भनेको निकै दुख लाग्दो कुरा रहेको भन्दै दुख व्यक्त गरिसकेकी छिन् ।

अहिले अजय देवगनले यस विषयमा आफ्नो तर्क राखेका छन् । अजयले यस विषयमा भनेका छन्, ‘जब मीटू अभियान सुरु भएको थियो त्यस बेलादेखि नै म मेरा यस उद्योगका साथीहरुसँग काम गर्ने ठाउँमा हरेक महिलाले सुरक्षित महसुस गर्नुपर्छ भन्न् कुराको समर्थनमा थिएँ । म महिलाहरुमाथि हुने दुर्व्यवहारलाई कहिल्यै सहने छैन । र अहिले पनि म यही कुरामा अडिग छु ।’

उनले अगाडि भने, ‘अब बाँकी रह्यो मेरो फिल्म ‘दे दे प्यार दे’ मा आलोक नाथले काम गरेको कुरा, म यस विषयलाई पनि स्पष्ट गराउन चाहन्छु कि यो फिल्म २०१८ को अक्टुबर महिनामै रिलिज हुने क्रममा थियो । यस फिल्मको छायाँकन गएकाे सेप्टेम्बरमै सकिइसकेको थियो । आलोक नाथको दृश्य अगष्टमै मनालीमा छायाँकन भइसकेको थियो । उनी भएको दृश्य ४० दिनको शेड्युलमा १० जना कलाकारहरुका साथ शूट गरिसकिएको थियो । उनीमाथि आरोपहरु २०१८ को अक्टाेबरमा सार्वजनिक भएका थिए ।’

त्यस बेलासम्म फिल्मका बाँकी कलाकार र म अरु फिल्मको काममा व्यस्त भइसकेका थियौं । त्यसपछि फेरि ती बाँकी कलाकरहरुलाई एकठाउँमा जम्मा गरेर शुट गर्न, आलोक नाथलाई हटाएर उनको स्थानमा अर्को कलाकर खोजेर शुट गर्न असम्भव नै थियो । त्यसो गर्दा निर्माताहरुको पैसा बर्बाद हुन्थ्यो । सबैलाई थाहा भएकै कुरा हो कि फिल्म बनाउनु भनेको एकअर्कासँग मिलेर पूरा गर्ने कला हो ।’

अजयले स्पष्ट पार्दै अगाडि भने, ‘आलाेक नाथलाई रिप्लेस गर्नु म एक्लैको निर्णय कसरी हुन सक्थ्यो र? म त्यही निर्णय लिन्थेँ जुन सारा टिमले लिएको थियो । म एक्लै पनि म त्यो चाहन्न थिएँ किनकि ति १० जना कलाकारलाई फेरि जम्मा गरेर एकठाउँमा ल्यानु मेरो वशको कुरा थिएन । ती १० जना कलाकारलाई जम्मा गरेर ४० दिनसम्म शूट गर्दा २ गुणा बढी खर्च हुन्थ्याे । तसर्थ म त्यो निणर्य लिन सक्दैनथेँ । त्यो फिल्म निर्माता र निर्देशकको निर्णय थियो ।’

अजय देवगन, रकुल प्रित सिंह, तब्बुको मुख्य अभिनय रहको फिल्म ‘दे दे प्यार दे’ २०१९ मे १७ मा रिलिज हुदैछ । यस फिल्मको निर्माण लभ रञ्जन र भुषण कुमारले गरेका हुन् भने यसमा अकीव अलीको निर्देशन रहेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्