‘ब्रम्हास्त्र’ मा रणबिर कपूरकाे जाेडीका रुपमा आफूलाई लिन आलिया भट्टले निर्देशकलाई अनुराेध गरेकाे खुलासा

वैशाख ८, २०७६ आइतबार १६:५६:५३ | उज्यालो सहकर्मी

बलिउड अभिनेत्री आलिया भट्ट यति बेला फिल्म ‘कलंक’ का कारण चर्चामा छिन् । यसै क्रममा उनले आफ्ना प्रेमी रणबिर कपूरको विषयमा एउटा खुलासा गरेकी छिन् । आलियाले निर्देशक अयान मुखर्जीसँग फिल्म ‘ब्रम्हास्त्र’ मा रणबीर कपूरको जोडीको रुपमा आफूलाई लिन अनुरोध गरेकाे खुलासा गरेकी हुन् ।

आलियाले हालै उनको अन्तरवार्तामा भनेकी छिन, ‘म र रणबlर कपूर फिल्म ‘ब्रम्हास्त्र’ मार्फत एक साथ आउँदैछौं । यस फिल्मका लागि म आफैँले निर्देशक अयान मुखर्जीलाई रणबिरको जोडीको रुपमा मलाई कास्ट गर्नुहाेस् भनेर अनुराेध गरेकी थिएँ । किनकि अभिनेताको रुपमा म रणबिर कपूरलाई धेरै नै मन पराउँछु । उनको अभिनय देखेर मलाई सधैं उनीसँग काम गर्न मन थियो ।’

आलियाले अगाडि भनिन्, ‘अयान मुखर्जीलाई फिल्म ‘ब्रम्हास्त्र’ बनाउने jlचार धेरै अघिदेखि नै थियो । उनी ‘ए जवानी हे दिवानी’ कै समयदेखि ‘ब्रम्हास्त्र’ बनाउने योजना गरिरहेका थिए । मैले त्यही बेला रणबीरको जोडीमा मलाई राख्नु भनेर अयानलाई अनुरोध गरेकी थिएँ ।’

कुराकानीको क्रममा आलियाले उनका प्रेमी रणबिरको निकै नै प्रशंसा पनि गरिन् । उनले भनिन्, ‘रणबीर कपूर छायांकनको समयका निकै नै सक्रिय रहन्छन् । उनी आफ्ना हरेक दृश्य उत्साहित भएर पूरा गर्छन् ।’

आलियाले अभिनेता रणवीर सिंह र वरुण धवनको पनि प्रशंसा गरिन् । यी दुवै एकअर्कादेखि निकै फरक तथा उत्कृष्ट अभिनेता भएको पनि बताइन् ।

यतिबेला आलिया भट्ट र वरुण धवनको फिल्म ‘कलंक’ प्रदर्शनमा रहेको छ । करण जोहरले निर्माण गरेको यस फिल्ममा आलिया र वरुणका साथै सञ्जय दत्त, माधुरी दिक्षित, सोनाक्षी सिन्हा र आदित्य रोय कपूरको मुख्य भूमिका रहेको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्